ZAROKÊN BER ÇÊM

Çîroka Zarokên Ber Çêm, ji dema dawî ya Osmaniyan dest pê dike. Postevanê ku fermana Sultanê Osmaniyan tîne ji Mîrê Hekariyan re, di rê de nexweş dikeve û piştî ku ji hêla hekîmê mîrê Hekariyan Mîrza Hekîm ve tê dermankirin, fermanê bincilik dike. Mîrza Hekîm û malbata xwe koç dikin herêma Mêrdînê û li wir bi cî dibin. Çîrok bi evîna keça Mîrza Hekîm, Koçerê û xortekî gundê ku Mîrza Hekîm konê xwe lê vegirtibû didome. Çîrok bi vegotineke ji çavên kesê yekemîn lê bi zimanê kesê sêyemîn berdewam dike, tê heta roja îro.

Romana ku bi devê zarokan hatiye nivîsîn a çîroka nod salên malbateke Kurd vedibêje, her çi qasî çîrokeke takekesî be jî bûyerên girîng yên mîna serhildana Şêx Seîd, Serhildana Dêrsîmê, Komara Mahabadê, Girtîgeha Amedê, şerê Kurdan yê dawî ew xemilandiye.

Çîroka Zarokên Ber Çêm, bi zimanê xwe yê henûn, ji dil, xwerû û dewlemend ku her xelekeke wê li bin çengê meseleyeke civakî dikeve û him bi çîroka xwe him jî bi vegotina xwe qadeke nû li ber romanhezan vedike.

Çîroka Zarokên Ber Çêm, çîroka yên li benda wendayiyên xwe ye.