Ji Dêrika Çiyayê Mazî ye. Li Enqereyê beşa dîrokê ya Zanîngeha Teknîk a Rojhilata Navîn (Middle East Technical University) xwendîye. Li Diyarbekirê beşa sosyolojîyê ya Zanîngeha Dîcleyê û li Mêrdînê beşa Ziman û Çanda Kurdî ya Zanîngeha Artukluyê master kir. Piştî ku di Wezareta Perwerdehîyê ya Tirkiyeyê de 20 salan wek mamosteya Îngilîzî kar kir, di sala 2016’an de ji kar hat dûrxistin. Piştî mamostetîyê demekê di rojnameya BasNewsê de wek wergêr û nivîskar û di malpera nûçeyan a KurdistanNewsê de wek edîtor xebitî. Ji sala 2014’an vir de edîtorîya Kovara Zarema ya rexne û teorîyê dike. Bi zimanê Tirkî pirtûkeke wê heye: Kültürel Sınırların Edilgen Taşıyıcıları: Yezidi Kadınlar (Avesta, 2014, Stenbol). Ji Îngilîzî bo Kurdî û Tirkî gelek pirtûk û gotar wergerandine.