Sala 1937’an, li Komara Ermenîstanê, li navçeya Aragasotnê, gundê Şamîranê yî herêma Eşterekê hatiye dinyayê. Piştî temamkirina dibistana gundê xwe yî hevtsale, ev berê xwe dide Yêrêvana paytext di xwendinxaneya mamostetîyê de tê qebûlkirin. Piştî xwendina xwe diqedîne ew vedigere gundê xwe û di dibistana gund de mamostetîyê dike. Ew li gund bi awayê ji dûr ve di zankoya dewletê de beşa ziman û dîrokê dixwîne û diqedîne. Sala 1964’a ew cîguhastî Yêrêvanê dibe û di radyoya Ermenîstanê beşa Kurdî de dikeve ser xebatê û wekî redaktor dixebite. Piştî demekê wî dikin serokê beşê. Di dema wî de xebatên giring ên di warê dewlemendkirina kilam û miqamên Kurdî de hatin kirin. Roj bi roj fonda zêrîn bi kilam û miqamên Kurdî ve dihat tijekirin. Gelek bernameyên nû dihatin çêkirin. Ji bilî karê radyojê wî helbest jî nivîsîne û helbestên wî di almanaxa kurdî yî salane a bi navê Bahar de ronayî dîtine. Dengbêjê bi nav û deng Aramê Tîgran tekstên çend helbestên wî kirine kilam. Navê Ahmedê Gogê bi pirtûka Dengê Kal û Bavê Me wekî nivîskarekî di nava refên nivîskarên Kurdên Ermenîstanê de hatiye nivîsandin. Ew pirtûk cara yekemîn sala 1997’an li Yêrêvanê bi tîpên Kirîlî, bi redaktorîya lêkolînvan, nivîskar û helbestvanê Kurd î navdar Doktor Eskerê Boyîk hatiye weşandin. Ahmedê Gogê sala 2003’yan li Yêrêvanê çû ser dilovanîya Xwedê.

Berhema wî:

Dengê Kal û Bavê Me, bîranîn, Lîs, 2020